RCB Victory Parade Turns Tragic: Karnataka Govt Blames Franchise for Bengaluru Stampede

Royal Challengers Bengaluru (RCB) ke IPL 2025 jeet ke baad fans ka jashn ek bade haadse mein tabdil ho gaya. 4 June ko M Chinnaswamy Stadium ke baahar jo stampede hua usme 11 logo ne apni jaan gawayi aur 50 se bhi zyada log ghayal ho gayein. Ab Karnataka Sarkar ne iske liye RCB management ko zimmedar thehraya hai.

Yeh khulasa Karnataka High Court ke order ke baad Thursday (17 July) ko public ki gayi ek status report mein hua.

Government of Karnataka blames RCB for Bengaluru stampede – Parade Ka Permission Hi Nahi Mila Tha

Report ke mutabik, RCB aur unke event partner DNA Networks, aur Karnataka State Cricket Association (KSCA) ne bina proper permissions ke event organize kiya.

Police ne 3 June ko hi ye proposal reject kar diya tha, lekin uske bawajood 4 June subah 7:01 baje RCB ne social media par invite post kar diya jisme unhone fans ko Vidhana Soudha se Chinnaswamy Stadium tak victory parade ke liye bulaya.

“Na permission li gayi, na proper info di gayi — isliye permission mana kar diya gaya,” report mein likha gaya hai.

3 Lakh Ka Crowd, Sirf 35,000 Ki Capacity

Report mein likha gaya hai ki parade ke din — 4 June ko — lagbhag 3 lakh log stadium ke aas paas jama ho gaye the, jabki stadium ki capacity sirf 35,000 hai.

BMRCL (Metro) ke data ke hisaab se us din 9.66 lakh logon ne metro ka use kiya, jabki normally 6 lakh ka average hota hai. Iska matlab ye hua ki footfall stadium area mein record tod tha.

RCB ke Insta post mein Virat Kohli ka video bhi tha jisme unhone bola:

“I’m going to feel the real side of it when we get to Bengaluru tomorrow and celebrate this with the city.”

Yehi post viral hui aur massive crowd jama ho gaya.

Confusion Ne Bigadi Baat

Sabse bada confusion yeh tha ki shuruaat mein RCB ne bola entry free hai, lekin jab 3:14 PM par crowd already jama ho chuka tha tab jaake RCB/DNA ne clarify kiya ki “limited free passes” chahiye honge.

Yeh last-minute change ne fans mein gussa, frustration aur chaos create kar diya. Heavy overcrowding Gates 1, 2, aur 21 par dekhi gayi jahan security breakdown ho gaya.

CID Investigation Almost Complete

RCB aur DNA Networks ke senior officials ke statements record kiye ja chuke hain. CID ki investigation final stage mein hai, lekin abhi tak judgement ka official timeline declare nahi hua hai.

Sarkar ne ek aur kadam uthaya hai – unhone IPS officer Vikash Kumar aur 4 aur officers ki suspension revocation ko challenge kiya hai. Report poochhti hai:

“Officer kar kya rahe the? Jab Police Act ke tahat prohibitory orders jari karne chahiye the, tab woh sirf bandobast planning mein lage hue the.”

Kya Seekh Milti Hai?

Is haadse ne ek cheez clear kar di hai – bada event organize karne se pehle planning, permissions aur public safety paramount hai. Virat Kohli ke ek video ne fans ke emotions ko ignite kiya, lekin jab system taiyar nahi ho to celebration tragedy ban sakti hai.

Aapka kya kehna hai is RCB stampede incident ke baare mein? Kya franchise ko zimmedar thehraya jaana chahiye?

FAQs on Bengaluru Stampede & RCB Blame Controversy

Q1. Bengaluru stampede kab aur kahan hua?
Ans: 4 June 2025 ko Bengaluru ke M Chinnaswamy Stadium ke bahar stampede hua tha, jisme 11 logon ki maut ho gayi aur 50 se zyada log ghayal hue.

Q2. Stampede ka zimmedar kaun hai?
Ans: Karnataka Sarkar ki report ke mutabik RCB management, unke event partner DNA Networks, aur KSCA (Karnataka State Cricket Association) stampede ke zimmedar hain.

Q3. Kya RCB ne permission li thi parade ke liye?
Ans: Nahi, police ne RCB ke proposal ko permission details ki kami ke chalte reject kar diya tha. Fir bhi RCB ne parade ki announcement social media par kar di.

Q4. Crowd itna zyada kaise jama ho gaya?
Ans: Virat Kohli ke video aur RCB ke official posts ne huge fan engagement create kiya. Estimated 3 lakh se zyada log stadium ke bahar jama ho gaye, jab stadium ki capacity sirf 35,000 thi.

Q5. Kya entry free thi stadium ke andar?
Ans: Initially RCB ne kaha tha ki entry free hai. Lekin baad me 3:14pm par post kiya ki limited free passes honge. Iss confusion ne bhi crowd panic badhaya.

Q6. Ab tak kis par action liya gaya hai?
Ans: CID investigation final stage me hai. RCB, DNA Networks ke officials ke statements liye ja chuke hain. IPS officer Vikash Kumar ki suspension ko lekar bhi sarkar ne tribunal me challenge kiya hai.

Q7. Final judgement kab aayega?
Ans: Abhi tak final judgement ke liye koi official timeline announce nahi hui hai.

Aise hi latest updates, breaking cricket controversies aur inside stories ke liye follow karo Cricoverse – jahan milti hai cricket se judi kahaniyaa.
Sirf Cricoverse par.