England Won 3rd Test Against India – Jadeja, Bumrah Aur Siraj Ki Koshish Nakaam

England Won 3rd Test Against India – England ne jeeta Lord’s ka nail-biter muqabala, Jadeja ki 61* pari bekaar

Cricket jagat mein koi bhi match kabhi bhi predictable nahi hota – aur iska perfect example Lord’s mein khela gaya 3rd Test hai. Ravindra Jadeja ki shaandaar 61* ki paari ne India ko match mein banaye rakha, lekin England ne ek zabardast comeback karte hue 22 runs se ye muqabala jeet liya aur is Test series mein 2-1 ki lead le li hai .

Subah ka mini collapse, England ka fayda

5th day ke 1st session ke shuru hote hi Indian team ne sirf 11 runs ke andar 3 wickets kho diye. Rishabh Pant ne shuruwaat mein kuch aggressive shots khelein, lekin Jofra Archer ki damdaar bowling ne unka off-stump uda diya. Uske baad Ben Stokes ne KL Rahul ko LBW kar diya, jo pehle out nahi diye gaye the, lekin review India ke favour nahi aayi jiske wajah se Rahul ko out hona pada.

Phir aayi sabse zabardast moment — Archer ka ek low catch apne hi bowling par, jisme unhone Washington Sundar ko out kar diya bina score banaye. India ka score 82/7 ho gaya iske baad har ek Indian fans ki saansein tham gayi thi ki kahi humye match haar na jayein.

Jadeja aur Reddy ki partnership: ek umeed ki wajah bani

Jab India buri tarah phas gayi tab is mauke par Jadeja aur Nitish Reddy ne partnership banayi. Dono ne patience ke sath batting ki aur run chase ko control mein rakha. Lekin boundary-free period ne match aur bhi tense kar diya. Ek samay aisa bhi aaya jab Carse aur Jadeja ke beech thoda heated moment dekhne ko mila jis se situation aur bhi intense ho gaya, lekin Stokes ne situation ko sambhal liya.

Lunch ke thik pehle hi, Chris Woakes ne Reddy ko out karke India ki jeet ki umeed ko khatam kar diya. India ko ab bhi 81 run chahiye the aur sirf 2 wickets bachi thi jo Bumrah aur Siraj the.

Jadeja ka struggle aur Bumrah ka support

Phir aayi wo innings jo har fan apne dil me basa ke rakhega — Jadeja ne tailenders ke sath milkar partnership ki aur England ke patience ki testing shuru ki. Jasprit Bumrah ne 9 gendo ke baad apna pehla run banaya, aur Archer ki gend par pull karke chaar run aur jod diye. Crowd ne unka manobal badhaya unhe hero ki tarah cheer kiya.

Ravindra Jadeja ne apni half century dangerous shot ke sath complete ki, lekin Jasprit Bumrah ko strike dene se mana kiya — ye team ke liye unki dedication dikhata hai. Saath hi bumrah ne bhi kul 54 gende kheli aur crease par 100 minute tak tike rahein, Lekin last mein Stokes ne short ball feka, aur Bumrah ne pull maarne ki koshish mein apna wicket gawa diya.

Siraj ne koshish ki, lekin…

Siraj ne last mein Jadeja ke sath partnership banayi, lekin Bashir ne spin bowling ke sath unka kaam tamaam kar diya. Siraj shocked the jab unka bails udd gaya.

Yeh match tha pura emotional roller coaster jahan har over mein game palat raha tha.

📋 Brief Scores:

England: 387 (Joe Root 104), 192
India: 387 (KL Rahul 100), 170 (Jadeja 61*)
Result: England won by 22 runs

Jadeja, Bumrah Aur Siraj Ki Koshish Nakaam

❓ FAQs

Q. Ravindra Jadeja ne kitne run banaye?
A. Unhone 61* runs banaye aur not out rahe.

Q. Match kisne jeeta?
A. England ne 22 runs se match jeeta.

Q. Series ka score kya hai?
A. England 2-1 se lead mein hai.

Q. Bumrah ne kya role nibhaya?
A. Unhone tailender ke roop mein 54 balls khelkar Jadeja ko support diya.

Q. Jadeja ka yeh kitna fifty tha?
A. Yeh unka fourth consecutive fifty tha is series mein.

Aise hi exclusive match analysis, breaking cricket news aur dilchasp updates ke liye padte rahiye — sirf Cricoverse par!